13 deputetë të opozitës kanë depozituar një kërkesë drejtuar Kryetares së Kuvendit Lindita Nikollës në lidhje me skandalin e përmasave ndërkombëtare të ish-zyrtarit të lartë të FBI, Charles McGonigal dhe kryeministrit të Shqipërisë Edi Rama. 

Në kërkesë janë renditur 13 pyetje, duke pasur parasysh faktin se kryeministri shqiptar Edi Rama përfshihet si objekt hetimi dhe akuzash për përfshirjen në korrupsion ndërkombëtar, minimin e besimit të publikut në institucionet e Shtetit shqiptar dhe cënimin e marrëdhënieve politike dhe diplomatike ndërshtetërore mes Shqipërisë dhe ShBA-së.

Njoftimi:

Në orën 13.00 mblidhet konferenca e kryetarëve për të vendosur në lidhje me kërkesat e depozituara një ditë më parë nga Partia Demokratike.

1. Kërkesa për seancë pyetjesh

2. Kërkesa për mocion me debat për skandalin Rama - McGonigal.