Revolta dhe indinjata e thellë për mbajtjen në burg të 11 qytetarëve të pafajshëm kuksianë ka ngritur qindra vlonjatë sot në protestë.

Ndërkohë që në Shkodër është duke u zhvilluar seanca gjyqësore, protestuesit nga Vlora kanë bërë thirrje për lirimin: Të lirohen banorët e arrestuar të Kukësit.

Protestues të shumtë po ndjekin nga gjykata e Apelit në Shkodër procesin ndaj 11 protestuesve kuksianë. Familjarët e të arrestuarve janë të irrituar me mbajtjen në burg me njerëzve të tyre të afërt. Ata kanë paralajmëruar publikisht Ramën për pasojat direkte që do të ketë në rast se nuk do të lirohen sot protestuesit. “Pasojat do ti ketë direkt Edi Rama. Po i themi nuk do të gjejë vrimë ku të futet në rast se nuk lirohen protestuesit”, thanë familjarë të tyre para dyarve të gjykatës së Apelit në Shkodër.