Shtabi elektoral i koalicionit ‘Bashkë Fitojmë’ në Berat, dhuroi këtë të enjte gjak për fëmijët talasemik. Nismës ‘Dhuro gjak, shpëto jetë’,  ju bashkuan edhe kandidati i opozitës për Bashkinë e Beratit, Zija Ismaili, si dhe kryetari i Partisë së Lirisë Ilir Meta. Gjatë një prononcimi    për mediat, ata theksuan rëndësinë e përmbushjes së misionit human, ndërsa komentuan edhe fushatën elektorale për zgjedhjet e 14 majit

Kandidati i koalicionit ‘Bashkë Fitojmë’ për Bashkinë e Beratit, Zija Ismaili dhe  kryetari i Partisë së Lirisë Ilir Meta kanë dhuruar këtë  të enjte gjak për fëmijët që vuajnë nga talasemia.  Nën moton ‘Kush dhuron gjak, shpëton jetë’, shtabi elektoral i koalicionit ‘Bashkë fitojmë’, kontribuoi për përmbushjen e një misioni human.

Në një prononcim për mediat pasi dhuroi gjak, kreu i Partisë së Lirisë Ilir Meta, komentoi edhe fushatën e kandidatit të opozitës ‘Zija Ismaili’ në Berat për zgjedhjet e  14 majit.

Nga ana e tij, Ismaili theksoi rëndësinë që ka dhurimi i gjakut për shpëtimin e jetëve  të njerëzve  që kanë nevojë, ndërsa theksoi se kjo praktikë do të vijojë të ndiqet nga Bashkia e Beratit, nën drejtimin e tij