Kryedemokrati Sali Berisha i cilësoi skenar të Edi Ramës dhe Taulant Ballës procesin zgjedhor të grupit Basha – Alibeaj që do të mbahet në 29 korrik. Berisha deklaroi se ky skenar do të hidhet poshtë nga ana e demokratëve, ndërsa shtoi se vendi do të shkojë në zgjedhje të parakohshme, pa Edi Ramën kryeministër.
Kryetari i Partisë Demokratike Sali Berisha kometoi këtë të premte në konferencën me gazetarët zgjedhjet e grupit Basha – Alibeaj që do të mbahen në 29 korrik. Berisha u shpreh se demokratët nuk do të bëhen pjesë e procesit të asaj që quhet “partia e vulës”, e cila është në shërbim të Taulant Ballës dhe Edi Ramës.
Lideri i opozitës deklaroi se vendi do të shkojë në zgjedhje të parakohshme, pa Edi Ramën kryeministër.
Sa i takon se kush është Këshillit Kombëtar, Berisha deklaroi se është ai që përcakton statuti I Partisë Demokratike.
