Ish kryeminsitri Sali Berisha ka bërë me dije se SPAK ka fshehur 500 dokumente që faktojnë me pagesa të kryera për apartamente të shitura nga pallatet e Jamarbër Malltezit.
I ftuar në Opinion, Berisha deklaroi se nëse SPAK do të kishte prova Malltezin do ta kishin çuar në ndjekje penale.
“Në arkivën në dosjen e SPAK janë 500 kontrata që dëshmojnë përmes pagesat bankare të atyre apartamenteve që janë shitur.
Ata kanë fshehur dokumente. E fsheu për të nxjerrë Abi Malltezin.
Nëse ti thua se ky hyri me 100 metra dhe doli me 5 milionë por hyri 1250 metra.
Spaku gënjen nuk është aksioner i fshehtë Homeplan.
Po të ishin prova këto do e kishin çuar në ndjekje penale. SPAK e di që nuk qëndrojnë se janë të gjitha faturat, planimetria, që ky ka me parcela, që është me 1250 metrat katrorë”, tha Berisha.
