Partia Demokratike prej më se dy vitesh ka mbetur peng i gjykatave politike të Edi Ramës. Kamikazë si Blerina Muça, e cila në kundërshtim me ligjin ka pranuar si palë Enekelejd Alibeajn, gjë të cilën me shumë vonesë e ka evidentuar edhe Komsionit të Pavarur të Kualifikimit , institucion që pranon se se ky vendim i kësaj gjyqtareje është në kundërshtim me ligjin. 

Për këdo që ka sy e veshë çështja sot është shumë e qartë, zvarritja, pengmarrja bëhen me urdhër politik. Kjo gjë u vu re edhe nga rëgimet e njëpasnjëshme të pengjeve të Ramës pas vendimit të Gjykatës së Lartë, e cila u shpreh se gjyqi i Apelit është kryer me shkelje ligjore. Menjëherë pas vendimit Lulzim Basha nxori Karabinën e tij për t’I bërë presion gjykatave dhe lutje Edi Ramës që të mos lejojë t’i marrin vulën anëtarët e PD, demokratët e vërtetë.

Një shqyrtim tjetër i Apelit është i qartë, simbolet e PD-së u takojnë demokratëve dhe jo pengjeve, por a do mund të jetë edhe trupa tjetër e Apelit e lirë të marrë një vendim konform ligjit, kjo mbetet për t’u parë.

Gjithësesi një dëm kolosal është bërë. Partia më e madhe e opozitës ka hyrë dy herë në zgjedhje pa simbolet e saj dhe pa emrin e kryetarit në listë. Financat që i takojnë partisë i kanë marrë dhe shpërdoruar një grusht matrapazësh të kapur nga Edi Rama.

Pyetja për sistemin e drejtësisë së “reformuar” është: Kush e paguan dëmin që ka shkaktuar vendimi i gjyqtares Blerina Muça?

A quhet zhdëmtim vetëm largimi i saj nga drejtësia?

Po sorollatja e opozitës kaq vite prej një vendimi anti ligjor si do të kompensohet?

Po ambasadorët që shkuan dhe i bënë presion gjyqtarëve a do të mbajnë ndonjë përgjegjësi për shkelje hapur të konventës se Vienës dhe ndërhyrje të tilla absurde për të diktuar vendime të gjykatave të një vendi sovrant, të cilit ata pretendojnë se i kan ndihur për t’i bërë reformen në drejtësi?

Është shumë e qartë në vendimin e zbardhur të KPK shkelja e ligjit dhe si pasojë vendimmarrja absurde.