Arrestimi i Fredi Belerit, kandidatit të koalicionit ‘Bashkë Fitojmë’ për Bashkinë e Himarës, ishte produkt i pastër i orientimit të drejtësisë nga kryeministri Edi Rama, pas një paralajmërimi gjatë fushatës elektorale të 14 majit. 

Rama deklaroi disa herë në tubime publike, por edhe në një studio televizive vetëm pak orë para arrestimit të do të merrej personalisht me Fredi Belerin, ‘është një maskara dhe se do të merret vetë personalisht me të’.- thoshte Rama dhe SPAK zbatoi urdhërat.

Dhe drejtësia e re nuk ka ngurruar që t’ia plotësojë deri në fund dëshirën Edi Ramës duke dënuar ditën e sotme kryetarin e zgjedhur të bashkisë Himarë, Fredi Belerin. 

Kështu mbyllet një proces i pastër politik në një shtet autokratik ku organet e drejtësisë kontrollohen dhe zbatojnë urdhërat politike të një njeriu të vetëm.

Ja çfarë thoshte Edi Rama për Fredi Belerin që pak orë para se të niste ndaj tij sulmin politik me drejtësinë e kontrolluar prej tij:

“Ky maskara ka angazhuar njerëz për të kërcënuar emigrantët. Unë dua ta shfrytëzojë këtë emision për t’iu drejtuar dy personave me emër. Një Napolon Çakalli, i cili e di shumë mirë se kush është dhe një Spiro Koka, një tjetër personazh. Iu them që mos guxoni të merrni në telefon emigrantët që duan të votojnë ose që mund të vinë të votojnë, as për t’iu thënë që do vini të votoni patjetër për këtë injorantin këtu apo duke i thënë që po votuar për Goron e PS do iu grisim letrat greke dhe unë po iu them në sy do të merrem personalisht me ju të dy dhe jeni ju që rrezikoni që t’i humbisni letrat greke. Avokati më i madh i emigrantëve në Greqi dhe i minoritetit grek në Shqipëri jam unë dhe qeveria ime, është ky shtet”, tha Rama.