I ftuar në edicionin e pasdites në SYRI TV me moderatorin, Edvin Parruca për të diskutuar mbi problematikat e shumta që u hasën në procesin zgjedhor në Himarë ku qindra qytetarë nuk u lejuan të votonin si pasojë e problematikave të kartave të identitetit ishte ish kreu i KQZ, Kristaq Kume.

Kume është shprehur se qytetarët duhet të ishin lejuar të votonin edhe pse kanë skaduar kartat por ky problem do të duhet të ishte evituar kohë më parë që të zgjidhej.

Është një situatë e cila nuk duhet të kishte ndodhur kështu dhe për të mos ndodhur ky problem që ka të bëjë me kartat e identitetit të ishte rregulluar me kohë. Domosdoshmërisht duhet të ishte bërë një zgjidhje e vlefshme për të gjitha kartat e identitetit që janë skaduar.

KQZ duhet të kishte përgatitur procesin zgjedhor por edhe listat e zgjedhësve, mos harrojmë që dy partitë kryesore të vendit kanë ekspertët e tyre për të audituar listat dhe do të duhet të ishin ata të parët që ta konstatonin problemin që të ishte bërë i mundur zgjidhja  e saj.

E gjitha kjo problematikë ku mbetën rreth 6 mijë qytetarë të cilët mbetën të pa mundur për të votuar, edhe për këtë problem e kanë fajin së pari partitë politike dhe më pas vijon në KQZ.