Tashmë Partia Demokratike ka një Statut të ri, i cili sapo u miratua në Kuvendin Kombëtar, i mbajtur në Pallatin e Kongreseve.

Statuti është miratuar në mënyrë unanime pasi u shqyrtua nen për nen çdo propozim dhe u hodh në votim.

Pika e fundit që u hodh në votim ishte neni 52, për të cilin qe paraqitur një propozim nga z. Genti Malko dhe që për t'u futur në votim, u mbështet si procedurë nga kryetari i PD, Lulzim Basha. Ai përdori të drejtën e tij si kryetar për ta vlerësuar propozimin dhe përfshirë.

Në propozimin e z. Malko thuhej që çdo kandidat për kryesinë qendrore të jetë anëtar partie jo më pak se 4 vjet dhe të ketë marrë pjesë së paku në një fushatë zgjedhore."

Gjana e hodhi në votim pasi u sqarua se Basha e kishte mbështetur këtë propozim për t'u përfshirë, por ai nuk mori miratim.

Në përfundim, Gjana e hodhi në votim të gjithë projektstatutin, i cili mori të gjitha votat e nevojshme