Kryeministri Edi Rama e ka nisur mëngjesin e sotëm duke publikuar një video të një mjeku, që ka shkuar për të punuar në një prej spitaleve rajonale të vendit.

Rama thotë se deri tani, janë 37 mjekë që kanë shkuar nëpër rrethe për të punuar, ndërsa si synim i qeverisë është punësimi i 300 mjekëve deri në fund të vitit.

“MIRËMËNGJES dhe me shembullin e Dr. Albanit, një nga 37 mjekët e rinj specialistë që në vend të kryeqytetit kanë zgjedhur të punojnë në spitalet rajonale të vendit, ju uroj një ditë të mbarë.

Punësimi i 300 mjekëve të rinj deri vitin tjetër në mbarë vendin, do të sjellë një rritje të ndjeshme të numrit e cilësisë së shërbimeve të specializuara që ofrohen për qytetarët në të gjitha spitalet tona.”, shkruan Rama.

Por, patjetër që këtë gjë nuk e kanë besuar shqiptarët, ku disa prej tyre edhe e kanë kundërshtuar duke replikuar me komente në faqen e tij të Facebook.

Ata i kujtojnë kryeministrit kushtet skandaloze të spitaleve në venin tonë, ndërsa shtojnë se janë të lodhur nga propaganda që ai bën. /55News.al/