Gjatë një bashkëbisedimi në kuadër të ‘llogaridhënies me qytetarët që qeveria “Rama" mbajti sot nuk kanë qenë të paktë edhe qytetarët që i bënë e elozhe qeverisë Rama. 

Disa nga pyetjet që iu bënë Ramës ishin pikërisht ato që i jepnin hapësirë kryeministrit të fliste dhe të bënte propagandë të projekteve që pritet të realizojë qeveria e tij. Këto pyetje të qytetarëve të bëjnë të kuptosh se e gjithë kjo mbledhje është një shfaqe teatrale e inskenuar nga kryeministri vetëm për të bërë propagandë.

Pyetjet e qytetarëve e kthyen vëmendjen edhe nga Veliaj duke e pyetur për mësimin me turne në shkollat e kryeqytetit, duke i dhënë kështu mundësi “Lalit” të ripërsërisë edhe njëherë projektet e tij për ndërtim shkollash të reja.

Por nuk mjaftoi me kaq. 

Një punonjës bashkie kërkoi rritje rroge meqë Lali Eri, sipas tij, i mban në punë 365 ditë të vitit dhe jashtë orarit pasi punojnë shumë.  

Qytetari:

Kam vetëm një kërkesë për Veliajn. Të rrit vetëm pagat e bashkisë se na gordhi në punë.

Rama:

Duke gjykuar nga perimetri i barkut tënd duhet të punosh më shumë. Mban edhe një tjetër në krahë ti më gjithë ato kilogramë që ke.

Ndërsa një tjetër i lutet Ramës që mos lerë pushtetin pasi vetëm ai mund ta bëjë këtë vend.

Por ku shkoi “Llogaridhënia me qytetarët”? A thua që populli ynë ka pak probleme? A mendoni se shqiptarët janë kaq shumë të kënaqur  me 5 vite të qeverisë Rama? Mesa duket  Rama ka nisur fushatën e re të propagandës