Kreu i opozitës Lulzim Basha, e pati paralajmëruar para disa ditësh, se gjykata do të merrte një vendim qesharak për Saimir Tahirin sa për t’i hedhur hi sy shqiptarëve.  Sipas Bashës, Tahiri do të arrestohet vetëm sa për sy e faqe. Basha deklaroi se largimi i Hajdarmatajt dhe emërimi i prokurores së re u bë me të vetmin qëllim që të zhdukeshin provat për Tahirin.

Ja çfarë tha Basha 3 ditë më parë:

"A është shkarkuar Hajdarmataj se në dosjen hetimore po mblidheshin të tjera prova te mjaftueshme për Tahirin dhe lidhjen e tij me Ramën?

A është emëruar prokurorja e re për të shkatërruar këto prova për Tahirin qoftë edhe duke e dorëzuar Sajmir Tahirin në mënyrë të kontrolluar tek drejtësia? Që do të thotë e arrestojmë për sy e faqe dhe pastaj e shpallim të pafajshëm duke shkatërruar çdo provë.

Një gjë është e sigurtë: Edi Rama po bën gjithçka të shpëtojë Tahirin."