Një deklaratë e fortë dhe e guximshme u publikua në një artikull të gazetës italiane “La Stampa”, referuar Qendrës Kulturore Shqiptare, ndërsa fliste në favor të kryeministrit dhe qeverisë Rama.

Artikulli fliste fillimisht për një incident të ndodhur gjatë promovimit të librit “Kurban” të kryeministrit në Torino, ku disa studentë kishin ndërhyrë gjatë aktivitetit me parulla kundër qeverisë shqiptare.

Ajo që ra në sy ishte deklarata e fortë e kësaj qendre e cila theksonte se vëllai i ministrit të Brendshëm Fatmir Xhafaj, Agron Xhafaj është arrestuar dhe ndodhet aktualisht në burg, duke dashur të hedhë poshtë akuzat e PD të faktuara dita –ditës se ai është dënuar me 7.2 vjet burg për trafik droge që në 2012-ën por me mbështetjen e vëllait ministër vazhdon të jetë i lirë.

Por, kush fshihet pas Qendrës Kulturore Shqiptare?

Në fakt, me një kërkim të thjeshtë rezulton se drejtohet nga Benko Gjata.

Ai nuk është një personazh i panjohur, përkundrazi është një gazetar dhe drejtues i qendrës. Siç edhe duket edhe nga profili i tij në facebook, Gjata ka marrë pjesë në aktivitete të shumta me kryeministrin Rama dhe kryebashkiakun e Tiranës, Erion Veliaj, në një mbështetës i “flaktë” i PS.

Madje, pak ditë më parë me një status në profilin e tij bënte edhe një njoftim lidhur me aktivitetin promovues të librit të Edi Ramës.