Në vijim të debatit në lidhje me audiopërgjimin e vëllait të ministrit të Brendshëm, Fatmir Xhafaj, kryetari i Partisë Demokratike, Lulzim Basha, tha se, vëllezërit Xhafaj i janë vënë pas dëshmitarit X.

Në fjalën e tij në Kuvend, lideri demokrat bëri dhe ironi me kryeministrin Edi Rama duke i thënë se audiopërgjimin ia ka bërë ekspertizën në Surrel.

“Çfarë fshihet pas kësaj ngjarjeje? Policia duhet ta kishte arrestuar, prokuroria duhet të kishte nisur hetimin. Por policia ka marrë tjetër udhër nga vëllezërit Xhafaj. Dëshmitari X prej 72 orësh është nën kërcënimin e Xhafajt. Xhafaj është vënë pas dëshmitarit dhe familjes së tij.

Prokuroria e ka për detyrë të hapë hetimin, në një vend normal sigurisht. Kanë bërë terror policor, operacion të gjerë në të gjithë Shqipërinë ndaj dëshmitarit X dhe familjes së tij. Pse i janë vënë mbrapa dëshmitarit X nëse thonë që audiopërgjimi është i rremë. Nga e dinë policia e Xhafës, nga e dinë këta

Nëse s’do ishte i vërtetë sic pretendon Edi Rama? Do mbash përgjegjësi për këtë deklaratë në prokurori.

Nëse s’do ishte e vërtetë sic deklaroi krye, që ekspertizë me siguri e ka bërë në Surrel pse i është vënë prapa dëshmitarit X, dhe nga e dinë policia e Xhafës se kush është dëshmitari X në audiopërgjimin që është i manipuluar”,- tha Basha.