Deputeti i Partisë Demokratike Romeo Gurakuqi ka reaguar dje sa i përket mungesës së investimeve në Shkodër dhe Veriun e Shqipërisë ndërkohë që ai vazhdon të ketë prioritet zona të tjera.
Ja çfarë shkruan Romeo Gurakuqi në FB:
"Kryeministri qe për pese vite asfiksoi Veriun me zero investime dhe guxoi te taksonte Rrugen e Kombit 10 here me shtrenjte, se çdo autostrade tjetër ne Ballkan, vazhdon t’i përmbahet linjës se përdorimit te pushtetit te tij personal, ne shërbim te qëllimeve te njëanshme elektorale dhe zhvillimit asimetrik te vendit.
Edi Rama sot shpalli projektin e rrugës Kardhiq-Nivice, ndërkohë qe rruga Shkodër-Velipoje gjendet e shkatërruar ne një segment te gjate, pa asnjë perspektive korrigjimi kete sezon turistik; Ai vazhdon te heshte për Rrugën Shkoder-Koman-Fierze-Gjakove; Rrugën Prekal- Kir-Mali Shoshit- Ndreaj- Breg Lumi- Theth; Rrugën Shkoder - Muriqan; Rrugen Shengjin-Velipoje-Ulqin.
Kryeministri, Ministria e Energjitikes dhe e Infrastrukturës kane lene plotësisht jashtë çdo parashikimi projektues te investimeve, rrjetin energjetik ne Alpet Shqiptare. Kemendi, Shkreli, Dukagjini, Lugina e Valbonës, Nikaj- Mertur, jane krahinat me rrjetin ndërlidhës me te amortizuar ne Shqipëri dhe pergjigja e zotit Gjiknuri per investimet ne keto ane është: “nuk ka para!”
Shqipëria e Veriut e papërfaqësuar politikisht ne qeverinë e socialisteve, është lenë totalisht jashte investimeve, ne mëshirë te organizatave ilegale qe mbledhin vota për qeverinë dhe ushtrojnë presion mbi popullsinë civile te pambrojtur"./55news.al/
