Nuk mund t’u fliste asgjë tepelenasve për ato punë që nuk i ka bërë dhe për ato premtime që nuk ka mbajtur, por si gjithmonë në atë qytet, fjalimin për “llogaridhënie” e ka kaluar me humor, batuta, ironi e sarkazëm...

Kryeministri në vend që të sqaronte mosarritjet dhe dështimet në të gjitha reformat, ka vendosur të bëjë për të qeshur tepelenasit duke vendosur të ‘tabelë të qitjes’ kryebashkiakun Tërmet Peçi, të cilin e konsideron jo vetëm “model suksesi”, por edhe “simbol” të batutave.

I vetmi premtim që u ka bërë tepelenasve ka qenë ai i ndërtimit të një hoteli në këtë qytet, me demek për të ardhur dhe bërë mbledhjet e qeverisë aty.

Që në nisje të fjalës së tij në takimin që po zhvillon në Tepelenë, kryeministri Edi Rama, nuk i kurseu batutat për kryebashkaikun që njihet për thagmat e tij, Tërmet Peçin.

Rama tha se, posteri gjatë zgjedhjeve në këtë bashki ishte: ‘Tërmeti e vetmja rrugë për Tepelenën’, ndërsa theksoi se, kundërshtarët mendonin se Peçi do të shkatërronte qytetin.

“Faleminderit për mikpritjen tuaja. Faleminderit grave dhe vajzave që janë këtu të pranishme. Dhe më bën gjithmonë përshtypje që kur vij këtu ka shumë vajza dhe gra q marrin pjesë në takime, dhe duket se pushtetin e vërtetë e kanë ato. Qëlloi pak si çuditshme, pas thoshte posteri: Tërmeti e vetmja rrugë për Tepelenë.

Për shumëkënd kjo mund të përktheje dhe u përkthye; Erdhi dita e qametit dhe shkatërrimit të Tepelenës nga Tërmeti. Ishte e pamundur të ecje në këmbë në këtë zonë, pa drita dhe në rrugët me gropat. Edhe vet Tërmeti më pati thënë; Aman komandant të vëmë dritat se po gjejmë dhe shtëpinë tonë me të pyetur”,- tha Rama.