Shqipëria sot do të bashkohet në një protestë kombëtare në bulevardin ‘Dëshmorët e Kombit’.
Qytetarë nga të gjitha anët e vendit janë nisur për në Tiranë për të protestuar kundër qeverisë së Edi Ramës, e cila është kapur nga krimi.
Opozita kërkon largimin e menjëhershëm të Fatmir Xhafajt, vëllai i të cilit është i dënuar për trafik kokaine dhe vazhdonte trafikun nën ombrellën e vëllait ministër të Brendshëm.
Por ndërsa opozita do të zhvillojë protestë, Rama ka vendosur që të mbulojë sërish kryeministrinë, siç edhe ka bërë gjithmonë kur ka pasur protesta.
