Ish-ministri Ylli Manjani ka folur ditën e sotme për protestën e opozitës, e cila u zhvillua para Ministrisë së Brendshme dhe Kryeministrisë.

Manjani tha se Prokuroria e Përgjithshme tashmë ka kaluar nën varësi të Ministrisë së Brendshme, ashtu sic ishte në komunizëm.

“Sot kemi një prokurori të varur nga Ministria e Brendshme. Ky është kulmi i dhunimit të kushtetutës. Sot Shqipëria është pa Kushtetutë, dhe qeveria ka lirinë të marrë prona pasi ka pasur vendime që e ka bërë këtë gjë, të gllabërojnë të drejtat e njeriu, të arrestoj në mes të natës.

Kjo ka ndodhur vetëm në policinë e Enver Hoxhës, ndodh edhe sot. Qeveria pa Gjykatë Kushtetuese mund të bëj çdo gjë që i do qejfi.”, tha Manjani në një intervistë në emisionin ‘Kjo Javë’ në Neës24.

Me emërimin e Arta Markut në krye të Prokurorisë së Përgjithshme, tashmë varësinë e këtij institucioni shumë të rëndësishme ia ka kaluar Ministrisë së Brendshme.

Është hera e parë që pas ardhjes së demokracisë në Shqipëri, që prokuroria kalon nën varësi të Ministrisë së Brendshme, duke bërë çfarë të urdhërojë ministri.

Më tej, Manjani tha se kjo qeveri po u merr pronat qytetarëve pas pasur vendim gjykate, siç ndodhte në kohën e Enver Hoxhës.

Ish-ministri i Drejtësisë deklaroi se qeveria pa Gjykatë Kushtetuese mund të bëjë çfarë të dojë, dhe askush nuk e ndalon. /55News.al/