Deputeti i Partisë Demokratike, Myslym Murrizi ka folur sot në lidhje me protestën e opozitës që u zhvillua të shtunën ku tha se u arrit qëllimi.

I ftuar në emisionin 360 gradë në ora news, deputeti demokrat ka thënë se kjo qeveri, ish-ministrin dhe ministrin e saj të brendshëm i ka të lidhur me bandat dhe trafikimin e drogës.

“Të gjithë ata që kanë qenë tifoz të bombave, të shkopinjëve të gomave të 2011, nuk u panë në protestën e opozitës. Në 28 vjet post komunizëm PD prej 13 viteve në opozitë, nuk ka qenë asnjëherë një parti e dhunës. Prej shtatorit prej 2013 që ka ardhur në pushtet maxhoranca, opozita ka qenë në gatishmëri për të nxjerrë skandalet e  kësaj qeverie. Dy ministrat e brendshëm që ka pasur kjo qeveri kanë qenë të lidhur me banda  dhe me trafikim e drogës.” shtoi deputeti i PD-së.