Pas transferimit të Cristiano Ronaldos tek ekipi italian i Juventus, ndodhi e cila bëri bujë në media mbarëkombëtare, së fundmi po flitet për transferimin e një tjetër madrileni tek ky ekip.

Sipas raportimit të medias spanjollje “Libertad Digital”, Zinedine Zidane do të jetë në të ardhmen pjesë e stafit drejtues bardhezi, pikërisht në rolin e këshilltarit të familjes Agnelli për klubin e tyre të futbollit.

Ish-trajneri i Real Madrid-it, i cili dha dorëheqjen nga “galaktikët” pas mbylljes së sezonit 2017-2018 të “Champions League”,  do të rikthehet në Torino në muajin tetor dhe do të nisë punën jo vetëm, por me ndihmën e Fabio Paratici-t, personit që në bashkëpunim me agjentin Jorge Mendes, bëri të mundur trajnimin e Cristiano Ronaldo-s në Serie A.

Duket qartë se mbërritja e sulmuesit portugez te kampionët e Italisë ka qenë vendimtare edhe për kalimin e Zidane te bardhezinjtë.