Klubi i Los Anglese Lakers, zhvilloi ndeshjen e parë që pas vdekjes së legjendës së tyre Kobe Bryant, vajës së tij Gianna dhe shtatë personave të tjerë.

Ka qenë një mbrëmje mjaft emocionuese, ku lotët nuk kanë munguar në kujtim të Kobe-t.

Fillimisht, fanellat e tij me numër 8 dhe 24, ishin vendosur në karriget e sallës, për të vazhduar me pjesën tjeter.

Ndërsa violinçelisti, Ben Hong po luante një pjesë nga “Hallelujah” disa tifozë nuk e përmbajtën dot veten dhe shpërthyen në lot, ndërsa disa të tjera thërrisnin emrin e legjendës amerikane

Emocional ishte edhe reagimi i LeBron James, yllit të Lakers, që kishte raporte të veçanta me Kobe Bryant.

E Veja e Kobet, Vanessa Bryant postoi një fotografi në Instagram, ku shfaqeshin dy fanella ajo me numër 2 e Giannas dhe ajo me numër 24 e Kobe-t.

Nuk ka 24 pa 2 ishte mbishkrimi që i vendosi ajo fotos.

Emocionues ishte dhe kur lojtarët po hynin në fushë për të filluar ndeshjen, të gjitha ata nuk u prezantuan me emrat e tyre, por secili prej tyre u thirr KOBE.

Në twiter klubi Lakers shkruante:  "Shtëpia që ndërtoi Kobe".

Kobe Bryant gjithë karrierën e kaloi te Lakers, duke fituar shumë tituj si me klubin ashtu edhe individual.

Ai me të drejtë konsiderohet si ndër më të mirët në histori të basketbollit.