Ylli i Liverpool, Mohamed Salah ndodhet në Valencia ku po e kryen fazën e riaftësimit nga lëndimi nën kujdesin e fizioterapistit të ekipit, Ruben Pons.

Emri më i lakuar në botën e futbollit këtë sezon është dëmtuar në krahë pas një dyluftimi me Sergio Ramos në finalen e Ligës së Kampionëve.

Duke u bazuar në dëmtimin e marrë në finalen e “Champions League”, dyshohet se ai do të mund të marrë pjesë në takimin e Egjiptit me Uruguain dhe Rusinë me 15 dhe 19 qershor.

Por po ashtu mendohet se me siguri ylli egjiptian nuk do të mungojë në takimin me Arabinë Saudite me 25 qershor.

Riaftësimi i tij zgjatë nga tri deri në katër javë, por është duke u punuar që ai të marrë pjesë edhe ndeshjen me Rusinë.

“Ne kishim frikë në fillim për më të keqen dhe u përpoqëm të qetësonim lojtarin. Nuk është koha të ndjehemi keq, por të punojnë për të arritur gjendjen optimale të lojtarit”, ka deklaruar fizioterapisti i Liverpool.

Në Egjipt të gjithë tifozët e futbollit shpresojnë të mrekullia, pasi një lojtar si Salah mund ta bëjë diferencën në fushë.