Gjyqtari i Gjykatës së Lartë, Medi Bici është konfirmuar sot në detyrë. Ndërkohë sipas ILDKPKI, Bici ka bërë deklarim të rreme se nuk ka të ardhura të mjaftueshme dhe ka fshehur pasurinë.

Gjyqtari Bici ka prona dhe shtëpi banimi në Tiranë, një vilë 4 katëshe me sipërfaqe 430 m katror, ndërtuar si ndërtim pa leje. Sipas deklarimeve të pasurisë toka është blerë në 97-ën me një vlerë ndërtimi 6 milionë lekë, ndërsa në total banesa shkon mbi 10 milionë lekë. Bici ka deklaruar se ka të ardhura edhe nga vëllezërit. Ndërkohë KPK e akuzon për fshehje pasurie dhe mospërputhje deklaratash, në lidhje me sipërfaqen, katet dhe vlerën e banesën në fjalë.

Gjyqtari ka tokë 2 mijë m2 në Manëz Durrës ndërsa autovetura është e blerë me një shifër prej 10 mijë eurosh. Ndërsa si burim ka deklaruar të ardhurat nga shitja e mjetit të parë dhe një pjesë të të ardhurave. Bici ka deklaruar se i vëllai i ka mundësuar shkollën e djalit.