Aktiviteti zhvillohet nesër nga Lëvizja “Rrno për me gatue” në bashkëpunim me" Bashkimin e Prodhuesve Shqiptarë" dhe me mbështetjen e Delegacionit të Bashkimit Europian në Shqipëri

Pazari i Ri në Tiranë, më 18 Shtator do të “pushtohet” nga 12 kuzhinierë shqiptarë nga Italia, Greqia,
Belgjika, Mbretëria e Bashkuar, SHBA, Suedia dhe Danimarka, dhe nga shumë personazhe e personalitete vendase dhe media të huaja të sferës së kulinarise të cilët do të marrin pjesë në eventin më të rëndësishëm të gastronomisë shqiptare. Të rinj në moshë, idealistë e të lidhur fort me origjinën edhe pse i përkasin tre gjeneratave të ndryshme të emigracionit dhe diasporës. Kthehen në Tiranë me një mision: të hedhin hapat e para të Kuzhinës së Re Shqiptare, duke sjelle me vete eksperiencën nga restorante me famë ndërkombëtare dhe ikonat botërore te kulinarise si Rene Rexhepin, Enrico Crippa dhe Gordon Ramsey. Ky event i organizuar nga “RRNO për me gatue”dhe “Bashkimi i Prodhuesve Shqiptarë”, me
mbështetjen e Delegacionin e Bashkimit Europian ne Shqipëri synon të rrisë ndërgjegjësimin mes profesionistëve te kuzhinës dhe publikut dhe të promovojë ri-krijimin e kuzhinës shqiptare duke u bazuar në prodhimin lokale Shqiptare Eventi do të angazhojnë kuzhinierët e rinj shqiptarë dhe do të kontribuojë në rritjen e prestigjit mes tyre, duke treguar se është e mundur të rriten profesionalisht duke u bazuar në trashëgiminë lokale pa ndjerë nevojën e largimit nga Shqipëria “RRNO për me gatue” është një lëvizje gastronomike e themeluar nga një grup kuzhinierësh shqiptarë që ka për qëllim të ruajë, ri-krijojë, zhvillojë dhe të promovojë kuzhinën Shqiptare. Objektivi i Eventit: Prezantimi i metodologjive për ri-interpretimin e kuzhinës tradicionale, promovimi i Kuzhinës Shqiptare ne Bote, shpalosja e thesareve gastronomike të fshehura të Shqipërisë. Programi i Eventit: Gjatë këtij eventi i cili shtrihet nga ora 10:00 deri në orën 17:00 do të demonstrohen 12 receta shqiptare, nga më autentiket. Secili prej 12 kuzhinierëve të ftuar do të angazhohet në rikonceptimin dhe krijimin e një pjate tërësisht të re dhe moderne, por të bazuar në recetën tradicionale. Gjatë eventit si pjata tradicionale ashtu edhe ajo e ri-krijuar do të prezantohen për një publik i cili kryesisht do të përbëhet nga të ftuar specialë dhe kuzhinerë të rinj e të talentuar shqiptarë. Gatimet tradicionale do të prezantohen gjyshe të përzgjedhura si një vlerësim i rolit të tyre të pazëvendësueshëm në ruajtjen e kuzhinës tradicionale shqiptare. Pas çdo prezantimi të pjatave tradicionale çdonjëri prej kuzhinierëve të përzgjedhur do të demonstrojë teknikat dhe metodologjitë e përdorura për ri-krijimin e pjatës. Qëllimi kryesor i ri-krijimit të pjatës është të prezantohen teknikat moderne të gatimit, ndërsa ruhet në mënyrë strikte struktura dhe autenticiteti i pjatës tradicionale.  Një element tjetër i rëndësishëm i eventit është përdorimi i produkteve lokale për recetat dhe pjatat tona. Për këtë qëllim është menduar edhe pjesëmarrja dhe prezantimi i prodhuesve lokalë për të paraqitur produktet e tyre. Eventi do të jetë tërësisht i dokumentuar si nga ana filmike dhe fotografike dhe synohet krijimi i një arkivi i cili do të shërbejë si bazë për trajnimet dhe promocionet në të ardhmen.
Gjatë këtij eventi do të mbahen 2 referate shkencore si më poshtë;  Kuzhina Arbëreshe dhe ajo Shqiptare - dallimet dhe ngjashmëritë , arka e Shijes (Arch of Taste), produktet autentike Shqiptare – Slow Food
Lista e të ftuarve; Kuzhinierë Shqiptarë që jetojnë jashtë: Fejsal Demi raj Denmark, Kopenhagen, “Noma”, Mario Peqini Itali, Milano, “Piazza Duomo”, Erion Karaj, Angli Londer, “Heddon Street Kitchen”, Roland Bukri Itali, Montalcino, “Osticcio”, Etiana Osmenzeza Itali, Florence,
Albert Hazma Greqi, Lasithi, “Dionysos”, Ardit Curri Itali, San Gimignano, “San Martino 26”, Besnik Gashi Suedi, Malmö, “B.A.R.” Bleri Dervishi Itali, Milano, “Lumoi” Loris Pema, Itali, Milan, “Pandenus” Pol Pocari, USA, New York, “Le Cirque” Rahman Buqaj, Belgium, Antwerpen, “Felix Pakhuis” Të ftuar nderi: Eugenio Boer, Essenza - Michelin Star Restaurant, Itali Prof. Andrea Shundi, Autor i “Arberesh EtnoGastronomy”, USA Andrea Pieroni, Rektori i Universitetit te Shkencave Gastronomike Media Ndërombëtare/Gazetarë 1. Gambero Rosso, Itali, 2. DW “Euromaxx”, Germani 3. Haut de Gamme, Angli, 4. Munchies, Itali, 5. Fine Dining Lovers, Itali, 6. Identità Golose, Itali
7. Der Spiegel, Gjermani, 8. Gastronomistas, Spanjë, 9. Suhrkamp publishing, Gjermani, 10. Gruner + Jahr, Gjermani.
Çfarë është “RRNO për me gatue” - qëllimi dhe objektivat.
Historik i Shkurtër i Gastronomisë Shqiptare/Izolimi dhe varfëria gjatë 45 viteve të komunizmit dhe reformat agrare të këtij sistemi pothuajse e shkatërruan traditën gastronomike të formuar ndër shekuj, duke shpërbërë ekosistemin e fermerëve të vegjël dhe prodhuesve artizanë. Po ashtu kuzhina shqiptare gjithmonë ka qenë e influencuar fuqishëm nga kulturat rrethuese kulinare saqë shpesh është konsideruar si një amalgam ku shkrihet kuzhina mesdhetare, ballkanike dhe ajo otomane.
Megjithatë kriza e vërtetë e identitetit e gastronomisë Shqiptare ndodhi gjatë periudhës post-komuniste dhe viteve të tranzicionit. Globalizimi, duke përfshirë edhe migrimin masiv dhe industrializimin kaotik të sistemeve të ushqimit përfaqëson aktualisht sfidën më të madhe të Gastronomisë Shqiptare.
Sfidat Kulinarisë Shqiptare/Industria shqiptare e kulinarisë dhe kuzhinës po përballet me sfida të mëdha. Kuzhina tradicionale shqiptare në këtë moment përfaqëson më shumë një kuriozitet sesa të ketë peshën dhe vendin që i takon. Në këto memoment është një nevojë pothuajse emergjente për të dokumentuar dhe zhvilluar këto tradita para se të zhduken edhe burimet e fundit që kanë mbetur.
Përveç kësaj, Shqipëria po përballet me një sfidë të madhe në rekrutimin e personelit të duhur në industrinë e kulinarisë. Sistemi edukues nuk është në nivelet dhe standardet ndërkombëtare dhe shumica e shkollave të kuzhinës janë pothuajse të gjitha në pronësi private dhe shpesh të lidhura me interesa të ngushta komerciale.
Të rinjtë kanë nevojë për modele frymëzuese; atyre u duhet të provojnë dhe të vërtetojnë që talenti i tyre nevojitet ne Shqipëri, dhe që mund të kenë një të ardhme pa qenë nevoja të konsiderojnë emigrimin.
Rikrijimi i Kuzhinës Shqiptare/Shqipëria ka nevojë të rikrijoje kuzhinën e saj në një formë moderne por të bazuar tek traditat e vjetra, ashtu sikurse edhe kuzhinierët të tjerë po veprojnë në të gjithë botën; duke gjetur sërish rrënjët e kulinarisë dhe duke i rijetëzuar ato, dhe të bazuara te prodhimi sezonal dhe lokal. Ky është një trend global i cili kontribuon në ruajtjen dhe zhvillimin e trashëgimisë kulturore në një formë të qëndrueshme si një kundërpeshë e fuqishme kundrejt fuqisë mbizotëruese të globalizmit dhe ushqimit masiv të prodhuar në metodat industriale. Në Shqipëri ka kuzhiniere të cilët po punojnë mbi këto shtylla filozofie, por ky komunitet është shumë i vogël dhe me burime tej mase të kufizuara. Me qëllim forcimin e këtij komuniteti dhe aftësimin për ta marrë përsipër këtë detyrë madhore, lind si nevojë angazhimi i elitave, kudo ku ato janë, si në Shqipëri ashtu edhe jashtë saj në mënyrë që të mundësohet arritja e këtij misioni bashkërisht. Për ta aktivizuar këtë nismë në një trend, ne kemi nevojë për një komunitet profesional. Diaspora e Shqipërisë është e gjerë dhe shumë prej burimeve më të mira të vendit gjenden jashtë, ashtu si në shumë fusha edhe në fushën e kulinarisë. Kjo është arsyeja përse është krijuar “Rrno për me gatue”, një rrjet  (network) ndërkombëtar i kuzhinierëve më të mirë Shqiptarë jashtë por edhe brenda Shqipërisë; të bashkuar me një qëllim të vetëm, rikrijimin e kuzhinës shqiptare.
Qëllimet dhe objektivat afat-gjatë të “Rrno për me gatue”/Promovimi i Gastronomisë Shqiptare në mbarë botën. Ndërtimi i një Aleance të kuzhinierëve shqiptarë që jetojnë jashtë Shqipërisë. Krijimi i një Network-u të Restoranteve Shqiptare në Botë.  Publikimi i nje libri gatimi Albanian Cookbook
“Rrno për me gatue”/"Rrno për me gatue" është një lëvizje gastronomike e themeluar nga një grup kuzhinierësh Shqiptarë, si në Shqipëri ashtu edhe jashtë saj. Kjo lëvizje ka për qëllim të ruajë, ri-krijojë, zhvillojë dhe promovojë kuzhinën Shqiptare. Emri u frymëzua dhe rrjedh nga një libër i famshëm i titulluar “Rrno vetëm për me tregue” i shkruar nga At Zef Pllumbi, një prift Françeskan i cili kaloi 23 vite në burgim dhe në kampet e punës gjatë regjimit komunist në Shqipëri. "Rrno për me gatue" ka zgjedhur zambakun shqiptar të malit (lilum albanicum) si simbol të imazhit dhe të komunikimit të kësaj lëvizjeje. Ngjyrat e logos janë marrë po ashtu nga kjo lule e bukur. Mund të perceptohet si simbol i autenticitetit, qëndresës, bukurisë dhe thjeshtësisë; të gjitha vlera të lidhura ngushtë me punën që po bën kjo lëvizje për të dokumentuar trashëgiminë e kuzhinës shqiptare si dhe për ta zhvilluar atë e për ta shndërruar kuzhinën tradicionale të një vendi të vogël në një mburojë kundrejt forcave të globalizmit. Kjo lule ka shumë simotra në Ballkan, ndaj mund të themi se ka një varietet të gjerë të afërt. E tillë është edhe kuzhina shqiptare. Ne nuk jemi të shkëputur nga pjesa tjetër e Europës, apo e botës, jemi të gjithë “kushërinj”, por kemi identitetin tonë që na dallon, ashtu sikurse edhe ky zambak.