Arkitekti dhe këshilltari i PD-së Besnik Aliaj në një postim në profilin e tij në Facebook ka shkruar se një kullë 21 kate mbi tokë dhe 4 kate nën tokë do të ngrihet nga "Gener 2" te Arena Kombëtare.
Në këtë postim, ai ka shkruar ta gëzojmë dhe dhuratën e fundit një kullë më shumë, një fushë sporti më pak.
Postimi i plotë:
"TA GEZOJME DHURATEN E FUNDIT! Nje kulle me shume, nje fushe sporti me pak! Lemsh para portes tek Stadiumi Arena Kombetare! Dite te zeza per qytetin dhe banoret ne ate zone! Arkitekti italian i planit shkaterrues urbanistik me ne fund u ri-shperblye me nje kulle betoni “jeshil”! Bashkia … por edhe media … kane pse te jene te heshtura nga lumturia … Fushata po afron nderkohe! Interesat jane të lidhura me mire!"
Krahas këtij, postimi ai ka publikuar edhe disa foto të cilat tregojnë projektin për ndërtimin e kësaj kulle.
Gjithashtu Aliaj ka publikuar edhe dokumentin, ku dallohet qartë se leja për ndërtimin e kësaj kulle është firmosur nga ish-ministri Damian Gjiknuri.
Si dhe vendimi është dhënë më datë 20. 06. 2018. Mësohet se projektues është arkitekti italian Stefano Boerin dhe kompania e ndërtimit është Gener 2 e binzesmenit Bashkim Ulaj.
