Katër persona raportohet se janë plagosur si pasojë e një aksidenti që ka ndodhur mbrëmjen e kësaj të hëne në rrugën Papër - Elbasan.

Sipas informacioneve në aksident janë përfshirë një makinë "Benz" dhe një "Opel".

Paraprakisht mësohet se të plagosur kanë mbetur bashkëshortja dhe dy fëmijët e shoferit të makinës "Opel" dhe drejtuesi i mjetit "Benz".

Policia dhe grupi hetimor kanë shkuar në vendin e ngjarjes për të përcaktuar shkaqet e aksidentit.