I pyetur nga gazetarët nëse është penduar për djegien e mandateve, pasi nuk kanë mundësi që të bëjnë propozime lidhur me situatën për ndryshimet në buxhet, paketa ekonomike, por edhe Kodin Penal, kryetari i Partisë Demokratike Lulzim Basha tha se qeveria po zbaton në masë të madhe planet e selisë blu mbi përballimin e krizës me Koronavirusin.

"E para nuk qëndron se për cdo rast që kemi bërë propozime kur ishim në parlament nuk janë marrë parasysh dhe nuk kishte garanci se do të veprohej ndryshe. Në masë të madhe ajo që është adoptuar nga qeveria është ajo që është propozuar nga PD. Tani sfida është që të zbatohet, mos zbatimi po sjell kosto të madhe për qytetarët", u shpreh ndër të tjera Basha.

Sipas liderit të opozitës, përditë po rritet volumi i ankesave të qytetarëve pa përkrahje, të cilët duhet të kishin marrë jo një, por më shumë paketa ushqimore.