Një 19-vjeçar u vra pak muaj më parë në Greqi dhe shkak është bërë një borxh prej 170 eurosh në këmbim të një doze droge.

Lidhur me këtë ngjarje të rëndë, policia greke ka shpallur në kërkim 3 shqiptarë, ndërsa ditën e djeshme ata bënë me dije edhe identitetin e njëri prej tyre, duke publikuar edhe një fotot të autorit.

Ndërsa ditën e sotme është zbardhur edhe dëshmia e mikut të Thomait, adoleshentit grek që u vra nga shtetasi shqiptar i njohur me emrin Xhulian.

“U zumë me shqiptarët. Ata na rrahën. Xhuliani menjëherë qëlloi me thikë në gjoks Thomain. U përpoq që të më qëllonte edhe mua, por fatmirësisht ndërhyri një miku ynë dhe më shpëtoi. Thomai tentoi të largohej pasi u qëllua, por pak më vonë u rrëzua, ishte i mbuluar me gjak”,-ka dëshmuar ai në polici.

Policia greke ka shpallur në kërkim tre shqiptarët, ku besohet se ata janë futur në Shqipëri pasi kanë kryer krimin.
/55News.al/