Sot është ditëlindja e 85-të e këngëtares së madhe Shqiptare, Nexhmije Pagarusha.

Mbrëmjen e djeshme u mbajt një koncert i madh në nderim të saj, ku ajo u shpreh e vlerësuar se shqiptarët nuk e kanë harruar, por dashuria e tyre për këngët e saj po rritet çdo ditë e më shumë.

Por, një urim tejet special për artisten e shquar e kas dhënë edhe Presidenti i Republikës, Ilir Meta.

Ky i fundit përmes një urimi në faqen e tij të ‘Facebook’-ut shkruan se është privilegj për të që t’i urojë nga afër artistes ditëlindjen.

MESAZHI I METËS:

"Pata sot privilegjin e veçantë t’i uroj ditëlindjen e jetë sa më të gjatë Mbretëreshës së këngës shqiptare.

Admirim e mirënjohje të thellë, për të gjitha emocionet dhe krenarinë që zëri i saj i ka dhuruar kombit në dekada.

Gëzuar ditëlindjen, e papërsëritshmja, artistja jonë e madhe, Nexhmije Pagarusha!"