“Lule për Alisën” është ekspozita e parë e piktorit Leon Çika. Janë 35 piktura që për 10 ditë do të shfaqen në ambientet e galerisë Kalo.
35 piktura, udhëtime pamore që janë konceptuar si nje e vetme. Me këto punime plot ngjyra prezantohet piktori, Leon Çika, në ekspozitën e tij të parë personale.
Çdo lule vjen si dedikim për atë që është burim frymëzimi i kësaj ekspozite dhe mban emrin e saj, Alisës mbesës së piktorit.
Leon Çika premton të tjera ekspozita në vijim, ndërsa pikturat “ Lule për Alisën” do të presin artdashësit në dy javët e ardhshme në galerinë Kalo.
