Udhëheqësit e Bashkimit Evropian arritën një marrëveshje për emigracionin mëngjesin e së premtes.

Presidenti francez Emmanuel Macron tha se marrëveshja ishte “lajm i mirë” dhe “bashkëpunimi evropian” mbizotëronte gjatë bisedimeve që filluan të enjten në mbrëmje dhe përfunduan në agimin e së premtes.

Presidenti i Këshillit të BE, Donald Tusk, tha në një tweet të premten herët se 28 liderët e BE-së kanë rënë dakord për një kompromis që ishte në qendër të samitit të tyre dy-ditor.

Marrëveshja konsiston në krijimin e qendrave të pritjes për emigrantët dhe azilkërkuesit në vendet anëtare të BE-së, por që shtetet dalin vullnetarë t’i presin ato.

Italia bllokoi miratimin e çdo marrëveshjeje në samitin e Bashkimit Evropian në Bruksel, duke kërkuar që blloku të bëjë më shumë për të ndihmuar krizën e emigrimit.

Kryeministri i ri i Italisë, Giuseppe Conte, negocioi një paketë masash në samitin e tij të parë të Bashkimit Evropian për të frenuar rrjedhën e emigrantëve në bllok dhe përhapjen e barrës së trajtimit të atyre që vijnë.

Gjatë bisedimeve në Bruksel që përfundoi pas 4:30 a.m të premten, shtetet anëtare ranë dakord të rrisin sigurinë kufitare, të ngrenë qendra mbajtëse për të trajtuar azilkërkuesit dhe për të përshpejtuar procesin e përcaktimit nëse njerëzit kanë të drejtën e azilit dhe dëbimin e atyre që nuk e përfitojnë. Udhëheqësit gjithashtu premtuan të rishikojnë rregullat për shpërndarjen e emigrantëve, kur një vend port (Si Italia) është mbingarkuar, një kërkesë kyçe italiane.

“Italia nuk është më vetëm,” u tha gazetarëve Conte kur u largua nga vendi i takimit.

Megjithatë, mbetet e paqartë nëse marrëveshja do të jetë e mjaftueshme për të ndihmuar kancelaren gjermane Angela Merkel të shpëtojë nga një revoltë nga partia e saj bavareze. Ndarjet e thella mbeten midis atyre me një qëndrim relativisht liberal mbi migracionin, siç është Merkeli ose kryeministri i Spanjës Pedro Sanchez dhe liderët si Viktor Orban i Hungarisë, i cili u tha gazetarëve në ardhjen e tij se “pushtimi duhet të ndalet”.

Në vazhdën e bisedimeve, administrata populiste e Conte-s, debatoi me Spanjën dhe veçanërisht me Francën mbi vendimin e saj për të ndaluar anijet e shpëtimit të emigrantëve nga ankorimi në portet italiane. Megjithatë, ndërsa negociatat u zvarritën gjatë darkës në Bruksel, Presidenti francez Emmanuel Macron kishte një rol kyç në ruajtjen e qetësisë, shkruan Bloomberg.

Conte dhe Macron debatuan shkurtimisht para se të fillonin bisedimet dhe pastaj patën dy takime të veçanta gjatë natës. Një zyrtar italian mirëpriti atë që ai e quajti ‘një ndryshim qëndrimi’ nga ana franceze. Optika e të dy udhëheqësve që punojnë së bashku, mund të ndihmojë në ndreqjen e marrëdhënieve midis dy qeverive që kanë shkëmbyer fyerje në javët e fundit.

“Me Giuseppe Conte, po punojmë së bashku për të gjetur një marrëveshje evropiane për ndarjen e refugjatëve”, tha Macron në një tweet.

Shumë gjëra janë të paqarta për marrëveshjen, megjithatë, premtimi i fondeve të reja të BE-së për të luftuar migrimin e paligjshëm mund të ndihmojë procesin.

Në krye të bisedimeve, Conte kërcënoi të bllokonte tërë axhendën e samitit, nëse ai nuk merrte mbështetjen që duhej.

Merkel erdhi në samitin nën presionin e ministrit të saj të brendshëm, Horst Seehofer, një bavarez që kërkon një marrëveshje për të kontrolluar fluksin e emigrantëve brenda BE dhe për të lehtësuar kthimin e njerëzve në vendet e para pritëse, siç është Italia. Pa një siguri të tillë, ai ka kërcënuar të sfidojë kancelaren dhe të urdhërojë emigrantët të largohen në kufi, duke rrezikuar një ndarje historike mes dy partive që mund t’i marrin Merkelit shumicën e saj parlamentare.

Problemet gjermane paraqesin majën e krizës më të thellë politike në Europë, si avokatë të një linje më të vështirë në vendet, përfshirë Austrinë, Italinë dhe Evropën Lindore. Në një fjalim në Bundestag më herët të enjten, Merkel paralajmëroi se çështja e emigrimit “mund të kthehet në një çështje të fatit të BE-së”. /Monitor/