Kriza ekonomike ndikoi në pakësimin e lindjeve 

Në periudhën 2011-2017 popullsia e Greqisë u tkurr me 355,000 njerëz, dhe staticienët thonë se deri në 2080 vendasit grekë do të reduktohen në 7.2 milionë.

Fenomeni i rënies së numrit të lindjeve u shfaq në vitet 1980 dhe kulmoi në vitet e krizës.

Në të njëjtën kohë, sipas shifrave të Eurostat, deri në vitin 2050 Greqia do të jetë pjesa më e vogël e BE-së në popullsi, sipas një raporti të Agjencisë së lajmeve Athinë-Maqedoni (AMNA).

Në një studim që zgjati tre vjet, me titull “Popullsia greke nën persekutim”, autori Hera Emke-Poulopoulou, profesor në Universitetin e Parisit, anëtar i Akademisë së Shkencave të Nju Jorkut dhe nënkryetar i Shoqatës Helenike për Studimet Demografike thonë se “gjatë krizës, pjesa më e madhe e popullsisë greke është ndjerë “e persekutuar “, gjë që ka çuar në largimin përfundimisht nga Greqia, së bashku me familjet dhe punën e tyre.

Studimi prej 734 faqesh që përfshin të dhëna nga Eurostat dhe ELSTAT jep një hartë të detajuar të popullsisë greke siç është formuar përmes kushteve të herëpashershme ekonomike-politike-sociale nga viti 1828 deri sot, por kryesisht gjatë krizës ekonomike.

Studimi tregon se kriza ekonomike kontribuoi më tej në popullatën në rënie të Greqisë, e cila po plaket më shpejt se sa pritej.

Sipas anketës, gjatë periudhës 2011-2016, vdekjet tejkaluan lindjet me 115,479 (lindje 692,592 / vdekje 808,071). Rritja e lehtë në lindje (nga 1,051 fëmijë), e regjistruar në 2016, është për shkak të 77 për qind të lindjeve nga refugjatët femra që nuk do të qëndrojnë në Greqi.

Deri në vitin 2010, njerëzit që erdhën në Greqi ishin më shumë se ata që e braktisën atë. Figura aktuale (2018) e vendit, përveç mbizotërimit të vdekjeve mbi lindjet, është për shkak të fenomenit të “migrimit negativ”, që ka efektin e zvogëlimit të numrit absolut të popullsisë greke çdo vit.

SCAN