Pastori amerikan Andrew Brunson është shndërruar në një “mollë sherri” mes Shteteve të Bashkuara të Amerikës dhe Turqisë, por duket se çështja e tij po shkon drejt zgjidhjes.

Ndonëse vetë ambasada amerikane, mohoi të ketë dhënë këtë lajm, besohet se vetë Erdogan është i interesuar që t’i japë lirinë pastorit, për t’i dërguar një shenjë SHBA-ve, se janë gati për bashkëpunim.

Andrew Brunson është një pastor amerikan, që shërben prej rreth dy dekadash në Turqi dhe që u arrestua me akuzat se ka bashkëpunuar me grupin puçist që organizoi grushtin e shtetit në 2015-ën.

Prej disa muajsh ai u mbajt në burg, ndërsa kohët e fundit kishte kaluar në arrest shtëpie, lëvizje që erdhi pas kërkesave të shumta të qeverisë amerikane për lirimin e tij.

Së fundi konflikti mes SHBA-ve dhe Turqisë u shtri edhe në spektrin ekonomik, ku lira turke po përballet me një rënie të frikshme, ndërsa paralelisht Trump rriti tarifat për çelikun dhe aluminin e importuar nga Turqia.