Një autobot me karburant ka shpërthyer në rrugën Salaria në afërsi të Romës ndërsa po furnizonte një pompë benzine, duke shkaktuar vdekjen e 2 personave, një prej të cilëve është zjarrfikës. Nga shpërthimi, mbetën 13 persona të plagosur.
Fillimisht ka nisur një vatër zjarri që ka kërkuar ndihmën e repartit të zjarrfikësve.
Pas mbërritjes së skuadrave të shpëtimit autoboti ka shpërthyer fuqishëm, duke shkaktuar të paktën 13 të plagosur, 7 prej tyre janë zjarrëfikës.
Rruga është mbyllur dhe në vendngjarje ndodhen skuadrat e ndihmës mjekësore.
