Një tjetër zyrtar i lartë ka vdekur nga koronavirusi në Iran.

Bëhet fjalë për një këshilltar të ministrit të Jashtëm të Iranit, i cili mori pjesë në krizën e pengjeve të ambasadës amerikane të vitit 1979, ka vdekur nga coronavirusi, raporton agjencia zyrtare e lajmeve IRNA.

“Hossein Sheikholeslam një veteran dhe diplomat revolucionar, vdiq të enjten vonë”, shkruan agjencia.

Kujtojmë se një deputet i sapo zgjedhur i parlamentit të Iranit ka humbur jetën pak ditë më parë si pasojë e koronavirusit të ri. Mohammad Ali Ramazani Dastak, humbi jetë, pasi ishte shtruar në spital prej disa ditësh.

Irani është përpjekur të ndalojë përhapjen e shpejtë të coronavirusit, i cili deri më tani ka infektuar 3,513 njerëz, ndërsa 107 persona kanë ndërruar jetë.