Policia në Largo të Floridas ka vrarë Linus Phillip, pasi ai u përpoq t’iu ikte oficerëve. Zyrtarët policorë të përfshirë në të shtënat fatale nuk do të ndiqen penalisht, por policia po vazhdon një hetim pas vdekjes së tij.

Dy oficerët policorë shkuan pa paralajmërim në shtëpinë e furneralit ku ishte vendosur trupi i Phillipit dhe përdorën gishtin e tij në një përpjekje për të zhbllokuar telefonin e tij.

Ata nuk e njoftuan paraprakisht familjen e tij dhe as nuk morën urdhër për këtë veprim.

Ndërkohë nga Gjykata Supreme është pohuar se policia nuk mund ta bëjë një veprim të tillë pa një urdhër, por situata është e komplikuar ligjërisht kur pronari i telefonit është i vdekur.