A ishte më i mirë Milosheviçi a Stamboliçi, Erdogani a Guleni?

E Enjte, 05 Prill 2018 16:52

Kur terrori ndaj shqiptarëve të Dardanisë po e arrinte kulmin, të një shtresë nostalgjikësh jugosllavë me prejardhje shqiptare, nisi debati i ashpër, cili ishte më i mirë: serbi Milosheviq a serbi tjetër Stamboliq? Përtej alpeve shqiptare trumbetonin se serbi Drashkoviq është edhe më i mirë se dy të parët. Ishte e kot të futeshe në debate shterpe, sepse edhe serbi i parë edhe serbi i dytë, madje edhe i treti e i katërti, shqiptarët e Dardanisë e të territoreve etnike përpiqeshin t’i mbanin nën okupim. Qasja ndryshonte.  

Kishte situata tragjikomike brenda familjeve në Dardani. Kështu, xhaxhai Surroi, që deklarohej turk i Prizrenit, e mbështeste Milosheviqin. Nipi Veton Surroi, deklarimi kombëtar i të cilit nuk dihej, ishte për serbin tjetër, Stamboliq.

Na çliroi NATO nga Serbia, na i hoqi qafe për një kohë Amerika e Evropa Perëndimore  mercenarët shqipfolës që donin të na linin të pushtuar. Milosheviqi vrau Stamboliqin, vrau edhe vetën, kështu që u shuan debatet cili serb ishte më i miri. Por nuk pushoi gjakimi i mercenarëve shqipfolës që t’i zëvendësonin dy serbët e vdekur me tutorë tjerë. Shpirti i skllavit e kopetë e deleve nuk mund ta mendojnë jetën e tyre të mjerë pa ujqër e pa skllavopronarë. Mercenarët e paskrupullt që paranë e kanë fe e atdhe, nxiten debate të reja: a është më i mirë turku Erdogan a turku Gylen?  Natyrisht zjarrmi u japin portalet shqipfolëse të financuara nga Edogani, ndërsa u kundërpërgjigjen portalet e mbështetura nga Gyleni.

Prapë familja Surroi si me Milosheviqin e Stamboliqin u nda në dysh: disa janë për Erdoganin, të tjerët me Gylenin. Jeniçerët e Gulenit dhe jeniçerët e Erdoganit ashtu si serbët e Milosheviqit e Stamboliqit dikur, synojnë ta zhvatin pasurinë kombëtare të Dardanisë, sikurse po e zhvatin, t’i varfërojnë shqiptarët edhe më, pastaj t’i shkombëtarizojnë.

Modifikuar më Premte, 06 Prill 2018 16:34
Login to post comments

Lajmet e fundit

Onelda Zefi: Lali Eri vazhdon te tallet me Kombinatin te Cilin do ta bente "Kombiart".

Politikë

Onelda Zefi: Lali Eri vazhdon te tallet me Kombinatin te Cilin do ta bente "Kombiart".

Nga Onelda Zefi: Vendoset veto ne lulishten e vetme qe ka ngelur ne zonen e Parafabrikateve tek Rr:Llambi Bonata ne Kombinat. Shikoni sesi Lali Eri vazhdon te tallet me Kombinatin te Cilin...

Tritan Shehu: Konferenca Anestezi-Reanimacionit, paraqitje arritjesh e perspektivash profesionale e shkencore.

Politikë

Tritan Shehu: Konferenca Anestezi-Reanimacionit, paraqitje arritjesh e perspektivash profesionale e shkencore.

Nga Tritan Shehu: Konferenca Anestezi-Reanimacionit, paraqitje arritjesh e perspektivash profesionale e shkencore.Prej dy ditesh ne Hotel “Tirana” po zhvillon punimet, e ndare ne dy auditore, Konferenca e Pare Nderkombetare, njekohesisht dhe...

'Drejt Gjermanisë', UEFA publikon disa nga fotot më ikonike të Shqipërisë

Sport

'Drejt Gjermanisë', UEFA publikon disa nga fotot më ikonike të Shqipërisë

Shqipëria u kualifikua për herë të dytë në historinë e saj, në një kampionat Europian.   Kuqezinjtë i mbyllën kualifikueset në vendin e parë, duke lënë pas kombëtare të forta si Çekia...