Pothuaj dy javë nga dhënia e autorizimit nga presidenti Ilir Meta, për lëshimin e plotfuqishmërisë për grupin negociator, mbërriti në mesditë në Tiranë, Ministri i Jashtëm i Greqisë, Nikos Kotzias. Ai është takuar me homologun shqiptar, Ditmir Bushatin.

Ndërkohë, pritet një marrëveshje e re për detin, nga grupet negociatore, ndërsa data e vizitës së kryeministrit grek, Alexis Tsipras, në Tiranë, ende nuk është bërë e ditur. Nga kjo vizitë pritet që kryeministri i vendit Rama, të firmosë një dokument të ri të miqësisë dhe bashkëpunimit strategjik me fqinjin tonë jugor. Ndër to është abrogimi i “ligjit të luftës” me Shqipërinë nga Greqia.