Këshilli Bashkiak në Durrës nuk arriti të zhvillonte mbledhjen e tij ditën e djeshme, pasi nuk u arrit kuorumi i nevojshëm.

Nga 51 këshilltarë, në sallë ishin të pranishëm vetëm 17, 14 të PS dhe 3 nga LSI. Ndërkohë këshilltarët e PD dhe një pjesë e konsiderueshme e atyre të PS-së, përfshi këtu edhe kryebashkiakun vangjush Dako, nuk kanë qenë të pranishëm.

Kështu në mbledhje kanë munguar së paku 7 këshilltarë të PS-së.

Në kushtet kur në sallë nuk ishin të pranishëm ¾ e anëtarëve të këshillit, mbledhja e fundit ka dështuar, duke e mbyllur me bojkot këtë mandat.

Në mbledhje ishin parashikuar që të miratoheshin 11 pika të rendit të ditës, midis të cilave edhe ajo e familjeve që do të përfitonin banesa sociale me qira.

Mbledhja e radhës pritet pas zgjedhjeve të 30 qershorit dhe krijimit të këshillit të ri bashkiak.