Një ditë pas protestës së fuqishme qytetare në Tiranë, kryeministri Edi Rama është parë të vazhdojë fushatën e tij elektorale, pavarësisht anullimit të datës së zgjedhjeve nga Presidenti i Republikës një natë më parë.

Rama sot i është drejtuar Burrelit për të prezantuar kandidatin socialist, por ka fluturuar me helikopter për të shmangur bllokimet e rrugës nga protestuesit dhe ndonjë  ngjarje tjetër të pakëndshme, ndërkohë që jehona e fortë e protestës së mbrëmshme ende vazhdon.

Ish-kryeministri Sali Berisha ka publikuar videon e helikopterit qeveritar me këtë shënim plot ironi: "Edvin Kristaq frikacaku me helikopter në Burrel!”