Sot në Arabinë Saudite është dhënë vendimi për dënimin e 5 personave për vrasjen e gazetarit saudit, Xhemal Kashoghi.

Kjo vrasje prej kohësh ka turbulluar vendin dhe një pjesë të marrëdhënieve diplomatike të Arabisë Saudite, pasi hijet e dyshimit u hodhën në këtë vend për një arsye të vetme.  Gazetari Xhemal Kashoghi ka qenë kritik ndaj vendit të tij, Arabisë Saudite. Gjykim infantil po të nisej thjesht nga kjo arsye.

Indicie e parë por që nuk ishte thjesht thelbi. Mbretëria e Arabisë Saudite veproi me kujdes në hetimet e saj dhe arriti të identifikojë 11 persona.

Vendimi i sotëm është një shprehje e qartë e vendosmërisë që ka Princi i kurorës dhe vetë Mbretëria e Arabisë Saudite, për qartësimin e situatës dhe vendosjen e drejtësisë.

Po ta shohësh me vëmendje, ky vendim i sotëm nuk është thjesht tregues i funksionimit të shtetit në atë vend. Ajo tregon gjithashtu një shprehje për t’i prerë rrugën interpretimeve dashakeqe dhe akuzave për interesa të ndryshme.

Të mos harrojmë, në radhë të parë, pozicionimin që ka Arabia Saudite, jo thjesht gjeo-strategjik por si një vend kyç në situatën në lindjen e mesme.

Të mos harrojmë gjithashtu që është prodhuesi i naftës në botë dhe partneriteti që ajo ka me SHBA-të për çështje jetike, jo vetëm në rajon por mbi të gjitha në luftën kundër terrorizmit.