Ish-Kryeministri Sali Berisha ka ndarë me ndjekësit e tij në Facebook një shqetësim të një mjeku për trajtimin ç’njerzor që u bëhet atyre nga qeveria.

‘Të dashur miq, Edvin Çekapi dhe ndrikull Hajnia me qëndrimet e tyre korruptive, kriminale ndaj personelit mjekësor po largojnë masivisht mjekët nga Shqipëria’, shkruan Berisha në postimin e tij.

Bashkë me shënimin e tij ai ka postuar edhe mesazhin e një mjeku nga Drejtoria e Higjienës i cili paraqet situatën e vërtetë në të cilën punojnë mjekët dhe përballjen e tyre me gatishmërinë për kornavirusin.

‘Pa trajnim, pa shpërblim, pa protokoll, thjesht propagandë e imazh për qeverinë’, shkruan mjeku në mesazhin e tij dërguar ish kryeministrit Berisha.

Ja postimi i plotë:

Të dashur miq, Edvin Çekapi dhe ndrikull Hajnia me qëndrimet e tyre korruptive, kriminale ndaj personelit mjekësor po largojnë masivisht mjekët nga Shqipëria. Vetëm në vitin 2018 sipas statistikës së zyrës Federale të Gjermanisë nga Shqipëria kanë shkuar në atë vend 1130 mjekë. Pra vetem në një vit janë larguar nga vendi mjek për në Gjermani aq sa janë diplomuar në katër vite.

Kjo gjendje tejet e rëndë ka në bazë para së gjithash keqtrajtimin moral dhe material të personelit shendetësor. Sot në Shqipëri rrogat e mjekëve dhe infermiereve janë fiks sa gjysma e kolegëve të tyre në Kosovë!

Lexoni denoncimin e mjekut dixhital!. sb