Ndërkohë që mbarë opinioni publik kërkon që qeveria të heqë dorë nga koncesionet miliardere, Arben Ahmetaj bëri një deklaratë të pabesueshme.
Ai në një lidhje live në ‘News24’ i është përgjigjur opozitës se nuk mund të anulohen koncesionet pasi ofrojnë shërbime jetike për qytetarët që shërbejnë për frenimin e koronavirusit.
Ahmetaj thotë se tashmë Shqipëria po përballet me dy armiq, koronavirusin dhe rënien ekonomike, ndërkohë kjo e dytë nëse nuk ndalet e para, mund ta groposë ekonominë e vendit.
“Të anulojmë dializën, ç’do të ndodhë me ata që i duhet? Po plehrat, po rrugët, po sterilizimi? Mos bini pre e kurthit të politikës së ulët të koncesionit me atë logjikën e politikës së ulët ku koncesionet janë para oligarkësh sepse janë shërbime qytetarësh. Po ai që operohet, nuk është në luftë me jetën?
Po populli i Dibrës nuk është në luftë me të kaluarën që sot do urbanizim?” tha Ahmetaj.
Sipas ministrit Ahmetja, buxheti i shtetit po pëson një rënie të tmerrshme, për shkak të kësaj situate izoluese, duke shtuar se vetëm këtë muaj pritet një rënie me 70 milionë euro dhe në vijim dyfishim i kësaj shume.