Akademiku Artan Fuga ka reaguar nga qeverisë dhe deklaratës së fundit të kreut të saj Edi Rama për ndihmën që pret t’i vijë nga Turqia në rast se të vështirësive të shkaktuar nga pandemia, duke thënë se ka ardhur koha t’i vënë gishtin kokës dhe t’i përkushtohet asaj që jep prodhim, bujqësisë, e jo ndërtimeve e betonit.
“Çfarë?! Do të na ushqejë Turqia me bukë nëse do të kemi zi buke?!- Kështu tha zoti kryeministër?! Do të na mbajë me bukë turku?! – shkroi Fuga në Fb. -Çfarë iluzioni!
Jo se turqit janë të pamirë. Janë shumë të mirë! Por shqiptari kurrë nuk ka lyp bukë rrugëve të botës me çanak.
Është koha t'u kthehemi mbjelljeve të pranverës që të shijmë e mbledhim në vjeshtë! Urgjent! Sepse kur është tallur me bujqësinë, mbjelljet, korrjet, shirjet, duke mbledhur shqiptarët në beton, kulla mijërakatëshe, stadiume, sheshe me pllaka, sigurisht kundërshtimi ky ka qenë!
Betoni nuk mbillet, në katin e pesëdhjeteshtatë nuk mbillet, në fushë aerodromi nuk mbillet.
Dikur budallalliku që malet t'i kthenim në fusha, tani budalliku që fushat i kthyem në zona të betonuara urbane! Ka ardhur koha e gishtit, pra e gishtit të vendosur në kokë, në mendje!
Mos të presim duke thënë: Po u përmbys bota... bukën do të na e japë ky apo ai.”