Shqipëria vijon të ofrojë pagat më të ulëta në Rajon dhe Europë. Të dhënat zyrtare nga INSTAT bëjnë njëkohësisht diferencimin mes të ardhurave mujore nga puna për shqiptarët, krahasuar me vendet e tjera të Ballkanit.

Rroga mesatare në Shqipëri në vitin 2019 ishte 420 euro. Një shifër kjo, rreth 30% më e ulët se në Rajon. Kosova renditet e dyta pas Shqipërisë, me rrogë mesatare 602 euro. Më pas, vjen Maqedonia me 617 euro, Serbia dhe Bosnja me rreth 700 euro dhe Mali i Zi me 770 euro. Sipas raporteve të Eurostat, niveli i pagave në Shqipëria është 31% më i ulët se në të gjithë vendet e tjera të Europës. Vendi ynë gjithashtu ka të ardhurat më të ulëts nga Prodhimi i Brendshëm Bruto, çka ka kushtëzuar edhe nivelin e pagave në administratën publike.

Një situatë e tillë për sa i përket ekonomisë vjen si pasojë e strategjisë që po ndjek Shqipëria: aplikimin e një modeli të zhvillimit ekonomik bazuar në krahun e lirë të punës dhe jo mbi produktivitetin. Një tjetër problem në vendin tonë është edhe diferenca e pagave në sektorin privat për shkak të informalitetit të lartë. /News31