Kryetari i opozitës, Sali Berisha, denoncoi në Çim Peka Live një tjetër mashtrim nga vendimi i sotëm i Gjykatës Kushtetuese.

Kjo e fundit thotë se Berisha nuk ka kërkuar të shqyrtohet konflikti i interesit për gjykatësen Irena Gjoka. 

Por Berisha thotë se kjo është një gjë që e ka kërkuar vazhdimisht.

“Kanë mashtruar. Kam kërkuar se gjykatësja me 5 mbiemra ka qenë në konflikt flagrant interesi.

Dhe ata thonë, a mund ta imagjinosh një bandë që shprehet në këtë mënyrë, se është fatale për ta, thonë nuk është kërkuar konflikti i interesit se është shkarkuar nga ish-presidenti.

Unë vetëm atë kam kërkuar.

Në të gjitha rastet i kam thënë asaj zonjës se unë të kam shkarkuar në vitin 1996.

Jo, thonë, nuk e ke kërkuar.

Kur je i kapur peng, në forma të ndryshme krimesh, atëherë je i detyruar të thuash çdo gjë.

Njeriu i lirë nuk e bën kurrë një gjë të tillë.

Njeriu jo i lirë bën gjithçka dhe ky është rasti.

Njeriu i lirë, ajo e Alibeajt, e para që thotë, jo thotë, unë nuk mund të votoj.

Është një tjetër gjykatëse, ata i kanë kërkuar dorëheqjen në gjykimin e çështjes, sepse ajo ka noterizuar njëherë të vetme një kontratë të Jamarbër Malltezit kur ka qenë notere.

A e kupton se çfarë përfaqësojnë këta?

Dhe ajo ka dhënë dorëheqje. 

Kurse kjo që ndan shtratin me Enkelejdin, nuk është në konflikt interesi” tha Berisha.