Kryeministri Edi Rama vizitoi sot ashtu si 5 vjet rresht një panair pune, në qendër të Tiranës, ku të gjitha firmat i thanë se kishin vende pune bosh. Por sipas ekspertëve të qendrave studimore papunësia e vërtetë është 2 deri në 3 herë më e lartë se sa statistikat qeveritare, dhe se pjesa dërrmuese e të papunëve po emigrojnë në shtete të tjera për të mbijetuar, duke lënë prapa varfërinë e thellë, dhe indiferencën e autoriteteve dhe jo për një jetë më të mirë.

Por për të hequr vëmendjen nga shqetësimi kryesor, Rama dhe ekipi i tij i propagandës, nuk doli jashtë parashikimeve. Nëse shikoni edhe videon e mëposhtme, Kryeministri mori vëmendjen e qytetarëve më shumë për veshjen e tij se sa për prezencën. Sot, veshja e Ramës i përshtatej festivalit të karnavaleve dhe aspak një Panairi  punësimi. Çorapet e kuqe, që më shumë se çorape ngjasonin me streçet, pantallonat treçerekëshe, këpucët me majë, bluza e kuqe e gjumit dhe xhiboksi sportiv i kombinuar me këpucët, ishin përzgjedhja e Ramës në takimin me të rinjtë e papunë që sot i besuan vërtet shifrave të vendeve të Panairit.

Përpjekjet e qeverisë për të hapur vende të reja janë të pamjaftueshme dhe papunësia mbulohet me shprehjet se nevojiten profesionistë. Studiuesit pohojnë se qeveria erdhi me premtime të mëdha për 300 mijë vende pune, por investimet vendase dhe të huaja po mungojnë dhe tani po u thotë njerëzve se ata nuk janë të trajnuar që gjenden bosh.

Qeveria socialiste është në mandatin e dytë, pohojnë ata, dhe është zgjedhur nga qytetarët për t’u gjetur punë për aftësitë dhe profesionet që ata kanë.

Ndërkohë që edhe ajo pjesë e njerëzve që punojnë shumica në Call Centers dhe Fasoneri nuk trajtohen me dinjitet, janë me paga e sigurime të ulëta, me shëndetësi të pagarantuar dhe pa kushte teknike, ndërsa punojnë edhe në ditët e pushimit dhe u shkelen të drejtat të tjera si punëtorë dhe si qytetarë. /Redaksionale