Kryetari i Grupit Parlamentar të LSI-së, Petrit Vasili, akuzoi Kryeministrin Edi Rama se po i fshihet popullit, ndërkohë që ka premtuar se do qeverisë bashkë me të.

“Kryeministri tha se do të qeveriste medemek me popullin. Kjo ishte parulla me të cilën përmbyti televizionet, facebook e tëiter e çdo çmenduri që i doli përpara. Po tani? Shoqëria civile tani është përpara kryeministrisë dhe kryeministri rri i fshehur vrimave. Populli del në Kukës, Kryeministri struket në Vlorë e pastaj u flet me Er Tv nga zyra. Populli përmbytet në Shkodër, Kryeministri fshihet në Korçë.

Populli është në të gjitha rrugët e Shqipërisë ky zhduket fare nga qarkullimi. Policët e Kryeministrit rrëmbejnë popullin e Kukësit, natën në gjumë ky fshihet në studiot e tv e bën sikur flet nga Australia.

Kjo ishte qeverisja e falimentuar e kryeministrit me popullin. Ky kryeministër që ja tall, ia përçmon, ia përbuz hallin popullit jo vetëm nuk qeveris dot kurrë me popullin, por e ka hak bile e ka pak drurin e popullit”, shkruan Vasili.