‘Lajini rrobat e sapo blera  para se ti vishni’, është këshilla që kemi dëgjuar të gjithë më parë. Është e shtypur edhe në shumicën e etiketave tona të veshjeve.

Por, sa e rëndësishme është të ndiqni këto udhëzime. Samantha Maree Spenser nuk respektoi një këshillë të tillë, derisa i veshi djalit të saj një rrobë të re që sapo ia kishte blerë.

“Sapo u kthyem në shtëpi ai kishte shenja në fytyrë,”  tha ajo për Kidspot.

“Ai shkoi në shtrat dhe u zgjua duke ulëritur. Fytyra e tij ishte e gjitha e fryrë, kështu nxituam për në spital ku vetëm po përkeqësohej”.

Mjekët në spital i shpjeguan Samanthës se Parker kishte më shumë gjasa të reagonte ndaj kimikateve që përdoreshin për trajtimin e pëlhurës në rrobën që kishte provuar.

Sakaq, nëna tashmë u bën thirrje të gjitha grave të tjera të mos e praktikojnë një gjë të tillë, me qëllim që t’ua kurseni jetën të vegjëlve tuaj.