Modelja e njohur Angela Martini publikoi sot në “Instagram” disa foto nga festa e madhe e ditëlindjes që i kishte organizuar bashkëshortit të saj, Dragos Savulescu.
Në fotot e publikuara nga vetë modelja, nuk tërhoqi vëmendjen vetëm ajo me fustanin e bardhë seksi, por edhe ambienti luksoz ku u bë festa apo torta mjaft e veçantë.
Por mesa duket të gjithëve u ka shpëtuar një detaj në këto fotografi. Në njërën prej tyre shfaqet edhe një vajzë e vogël, e cila në fakt është një fëmijë nga martesa e mëparshme e Dragos.
Biznesmeni rumun ka qenë i martuar në vitin 2005 me stomatologen Rodica Ghionea. Prej kësaj martese erdhi në jetë një vajzë, por pas 4-vitesh çifti i dha fund martesës.
Më pas Dragos Savulescu u lidh me modelen seksi Madalina Ghenea, por në 2011-n ajo i dha fund lidhjes me rumunin.
Ndërsa tani Dragos është i martuar me modelen shqiptare Angela Martini. Ata bënë një ceremoni pa bujë dhe tashmë jetojnë së bashku në Los Angeles.
